Zebra - Did You Know (Click 06)

Click လုပ်ပေးတဲ့အတွက် ကျေးဇူးတင်ပါတယ်ခင်ဗျာ။

Clickers တို့ရေ... ၁၀ စက္ကန့်နေပြီးမှ ပြန်ထွက်ပေးပါနော။

အချိန် စ,မှတ်ပါပြီ။ 10

ပြန်ထွက်လို့ရပါပြီခင်ဗျာ။

        Madagascar ဆိုတဲ့ Animation Movie ထဲက Marty ဆိုတဲ့ မြင်းကျားလေး သူ့သူငယ်ချင်း Alex ကို ပြောလိုက်တဲ့ စကားလေးတစ်ခွန်း ရှိပါတယ်။

"Alex, look at me. I'm ten years old. My life is half over. And I don't even know if I'm black with white stripes or white with black stripes."

        အဲ့ဒါကို သေချာ ပြန်ရှင်းရရင်တော့ မြင်းကျားတွေဟာ အဖြူပေါ် အနက်ကျားတာ မဟုတ်ဘဲ အနက်ပေါ် အဖြူကျားတာပါတဲ့ခင်ဗျာ။ ရုတ်တရက် တွေးလိုက်ရင်တော့ ပထမပြောတဲ့တစ်ခုက မှန်သယောင်ပါ။ ဘာလို့ဆို မြင်းကျားတော်တော်များများရဲ့ အနက်စင်းတွေဟာ ဗိုက်သားနားမှာ ဆုံးကြတာရယ်၊ ခြေထောက်တွေ အတွင်းပိုင်းကို သွယ်ဝင်သွားတာရယ်ကြောင့် ကျန်တစ်ကိုယ်လုံးဟာ အဖြူရောင်အဖြစ် မြင်ရတာကြောင့်ပါ။

        မြင်းကျားတွေရဲ့ အဖြူရောင် အမွှေးရော အနက်ရောင် အမွှေးရောဟာ Melanocyte ဆိုတဲ့ ဆဲလ်တွေပါတဲ့ မွှေးညင်းပေါက်တွေကမှ ထွက်တာပါ။ ပြောသာပြောတာ သတ္တဝါတွေအကုန်လုံး တူတူပါပဲ။ အဲ့ဒီကနေပဲ အမွှေးထွက်တာပါ။ အဲ့ဆဲလ်တွေက ဘာလုပ်လဲဆိုတော့ အရေပြားနဲ့ အမွှေးအမျှင်တွေကို အရောင်ခြယ်ပေးတာပါ။ အရေပြားနဲ့ အမွေးအမျှင် ဘယ်ကောင့်အတွက်ပဲဖြစ်ဖြစ် Melanocyte ဆဲလ်တွေဟာ Melanin  ဆိုတဲ့ ရောင်ခြယ်ဓါတ်ကို ထုတ်ပေးပါတယ်။ မြင်းကျားတွေမှာ ကွာသွားတဲ့ တစ်ချက်က ဘယ်ဆဲလ်က အမွှေးတွေရဲ့ ဘယ်အပိုင်းကို ရောင်ခြယ်ဓါတ် ပို့ရမယ်ဆိုပြီး ခွဲပေးသွားတာပါ။ အဲ့ဒီမှာ ကျွန်တော်တို့ရဲ့ အနက်နဲ့ အဖြူ ကျားတဲ့ မြင်းကျားကို ရတာပါပဲခင်ဗျာ။ ဒီမှာ အရေးကြီးတဲ့ အချက်က ဘာလဲဆိုတော့ မြင်းကျားတွေရဲ့ အဖြူရောင်အမွှေးဟာ Melanin ဓါတ် မရှိတဲ့ သဘောပါ။ လူတွေ ဆံပင်ဖြူရတာကလည်း ဆဲလ်တွေက Melanin ဓါတ် ထုတ်မပေးနိုင်တော့တာကြောင့်ပါ။ ဆိုတော့ မြင်းကျားတွေရဲ့ မူရင်းအရောင်ကိုလည်း အနက်လို့ မှတ်ယူပါတယ်။

        မကျေနပ်လို့  အမွှေးရိတ်ကြည့်ချင်သပ ဆိုရင်လည်း မြင်းကျားတွေရဲ့ အရေပြားဟာ အနက်ရောင် ဖြစ်နေတာကို တွေ့ရမှာပါ။ ဒါပေမယ့် ဆရာသမားတွေက ရိုးရိုး  မည်းရာကနေ မဖြူဘဲ ဘာလို့များ  အစင်းကျားတွေ ဖြစ်နေရသလဲ ဆိုတာကိုတော့ ပညာရှင်တွေလည်း ရေရေရာရာ မသိကြသေးပါဘူး။ ဖြစ်နိုင်ချေရှိတဲ့ ကောက်ချက်တွေကတော့ သားရဲတိရိစ္ဆန်တွေရန်က လွတ်ဖို့၊ လူတွေရဲ့ လက်ဗွေရာလို တစ်ကောင်နဲ့တစ်ကောင် ခွဲဖို့၊ ယင်တွေ ကိုက်တာကနေ ကင်းဖို့နဲ့ ခန္တာကိုယ် အပူချိန် ထိန်းညှိဖို့ ဆိုတာတွေ ဖြစ်ပါတယ်။ မြင်းကျားတွေဟာ အုပ်လိုက်  ကျက်စားတတ်တဲ့ သတ္တဝါတွေ ဖြစ်တာကြောင့် သားရဲတွေဟာ အဲ့ဒီအစင်းကျားတွေကိုကြည့်ရင်း  ဘယ်နှစ်ကောင်မှန်း၊ ဘယ်ကောင်က ဘယ်ကိုသွားမှန်း ခန့်မှန်းရ ခက်တတ်ပါတယ်။ ပြီးတော့ မြက်ရိုင်းရှည်တွေကျား ရပ်လိုက်ရင်လည်း တော်ရုံနဲ့ မမြင်ရနိုင်ပါဘူး။ လူ့လက်ဗွေလိုပဲ သူတိုတွေဟာ  တစ်ကောင်နဲ့ တစ်ကောင် အစင်းပုံစံ မတူကြပါဘူး။ ကျက်စားရာ ဒေသကိုလိုက်ပြီး အစင်းပုံစံ ခွဲခြားလို့ရတာပဲ ရှိပါတယ်။ လွင်ပြင်တွေမှာ ကျက်စားတဲ့ မြင်းကျားတွေဟာ အစင်း ခပ်ကျဲကျဲ ရှိကြပြီး တောင်ကုန်းပိုင်းတွေမှာ ကျက်စားတတ်တဲ့ ကောင်တွေကျ အစင်း ခပ်စိပ်စိပ် ရှိတတ်ပါတယ်။

        နောက်တစ်ချက်ဖြစ်တဲ့ ယင်ကိုက်ခံရတာ ကင်းဖို့ဆိုတာကတော့ ဆန်းတယ်ခင်ဗျ။ ၂၀၁၄ ခုနှစ်တုန်းက ဂေဟဗေဒပညာရှင် Tim Caro နဲ့ သူ့ရဲ့အဖွဲ့သားတွေဟာ အချက်တစ်ချက်ကို တွေ့ရှိခဲ့ပါတယ်။ ဘာလဲဆိုတော့ ယင်ကောင်တွေဟာ အစင်းကျားတွေ ရှိတဲ့နေရာတို့၊ အနက်နဲ့ အဖြူ ကျားထားတဲ့ နေရာတို့ကို သိပ်မမြင်နိုင်ဘူးဆိုတာပါ။ Hill Livery ဆိုတဲ့ မြင်းဇောင်းမှာ စမ်းသပ်ကြည့်တော့လည်း အစင်းကျား မပါတဲ့ မြင်းတွေနဲ့ယှဉ်ကြည့်ရင် တချို့ အကောင်ရေ အနည်းငယ်လောက်ပဲ မြင်းကျားတွေနဲ့ အစင်းကျားပါတဲ့ မြင်းတွေကိုယ်ပေါ်ကို နားကြတာကို တွေ့ရပါတယ်တဲ့။

        အငြိမ်းစား တိရိစ္ဆန် ဓါတ်ခွဲခန်း ပညာရှင် Alison Cobb ကတော့ အဲ့ဒီ ယင်ကောင်ကိုက်တာ ကင်းဖို့ဆိုတဲ့ အချက်ကို သိပ်သဘောမတွေ့ပါဘူး။ သူကကျ ခန္ဓာကိုယ် အပူချိန် ထိန်းညှိဖို့ဆိုတဲ့ ယူဆချက်ကိုပဲ အလေးသာတာပါ။ မနက်ပိုင်းတွေမှာ အနွေးဓါတ်ရဖို့အတွက် အနက်ရောင် အစင်းတွေဟာ အပူဓါတ်ကို စုပ်ယူပြီး နေ့လည်၊ နေ့ခင်းဖက် ပူတဲ့အချိန်ကျ အဖြူရောင် အစင်းတွေက နေရောင်ကို ရောင်ပြန်လွှတ်ပြီး အအေးဓါတ်ရအောင် လုပ်ပေးတယ်လို့ ယူဆတာပါ။

        ဒါကတော့ မြင်းကျားတွေရဲ့ အစင်းလိုင်းတွေအကြောင်း လူသိများတဲ့ ယူဆချက်တွေကို ပြောပြထားတာြဖစ်ပြီး ကျန်တဲ့ ယူဆချက်တွေလည်း အများကြီး ရှိပါသေးတယ်။ အဲ့ဒီတော့ မြင်းကျားတွေဟာ အဖြူပေါ် အနက်ကျားတာ မဟုတ်ဘဲ အနက်ပေါ် အဖြူကျားထားတာ ဖြစ်တဲ့အကြောင်း ရှင်းသွားပါပြီနော...။

ကိုးကား။    ။ Britannica

မိတ်ဆွေတို့အားလုံး ဂရုစိုက်ကြပါခင်ဗျာ။