You Can't Walk Again If You Lose Your Pinky Toe - Myth or Fact (Click 05)

Click လုပ်ပေးတဲ့အတွက် ကျေးဇူးတင်ပါတယ်ခင်ဗျာ။

Clickers တို့ရေ... ၁၀ စက္ကန့်နေပြီးမှ ပြန်ထွက်ပေးပါနော။

အချိန် စ,မှတ်ပါပြီ။ 10

ပြန်ထွက်လို့ရပါပြီခင်ဗျာ။

ခြေသန်းလေး ပြတ်သွားရင် လမ်းမလျှောက်နိုင်တော့ဘူးဆိုတာ
ယုံတမ်းလား၊ အတည်လား?

        တော်တော်များများကတော့ ခြေသန်းလေးကို ကြည့်လိုက်ရင် ပုစိညှောက်တောက်လေးဆိုတော့ ဘာမှအသုံးမဝင်လောက်ပါဘူးကွာလို့ ထင်ချင်ထင်ကြမှာပါ။ ဒါပေမယ့် ဓါးနဲ့ ခိုက်မိတာတို့၊ ကျိုးသွားတာတို့၊  တခြား တစ်ခုခုဖြစ်သွားတယ် ဆိုပါစို့။ အဲ့လိုဆိုရင် ကိုယ့်လူတို့ အမြင်ပြောင်းသွားကြမှာပါ။ အဲ့ဒီ ခိုက်မိသွားတဲ့ ခြေသန်းပုစိလေးက နေ့စဉ်ဘဝကို ဘယ်လောက်ထိ အကျိုးသက်ရောက်မှုရှိတယ်ဆိုတာ သိသွားရပါလိမ့်မယ်။

        ခြေထောက်ရဲ့ ရှုပ်ထွေးလှတဲ့ ဖွဲ့စည်းပုံထဲမှာ ခြေသန်းလေးကလည်း အဖွဲ့ဝင်တစ်ယောက် ဆိုပါတော့ဗျာ။ သာမန်ခြေထောက်တစ်ချောင်းကို အဆစ်ပေါင်း ၃၀၊ အရိုး ၂၈ ချောင်း၊ ကြွက်သားမျှင်နဲ့ အရွတ်ပေါင်း ၁၀၀ ကျော်လောက်နဲ့ ဖွဲ့စည်းထားတာပါ။ အဲ့ဒီအစိတ်အပိုင်းတွေထဲက တစ်ခုခု ခိုက်မိပြီဆိုတာနဲ့ ကိုယ့်လူတို့ခြေထောက်တော့ နာပြီသာ မှတ်ပဲ။ ဘာလို့လဲဆိုတော့ ကျွန်တော်တို့ ခြေထောက်မှာ ကြွက်သားနဲ့ သွေးပမာဏ ပါဝင်မှုများတဲ့အတွက် ရောင်ရမ်း၊ ကိုက်ခဲတာတွေ ဖြစ်နိုင်လို့ပါ။

        ခြေသန်းလေး ပြတ်သွားရင် လမ်းမလျှောက်နိုင်တော့ဘူးလား ဆိုရင်တော့ မဟုတ်ပါဘူး။ အချိန်တစ်ခုရောက်လို့ ကျင့်သားရသွားရင်တော့ လမ်းလျှောက်ရ အဆင်ပြေသွားမှာပါ။ ဒါပေမယ့် ပုံမှန်လိုတော့ ကောင်းကောင်းကြီး လျှောက်နိုင်တော့မှာ မဟုတ်ပါဘူး။ အကြောင်းကတော့ ခြေသန်းလေးကလည်း လမ်းလျှောက်တဲ့နေရာမှာ အခရာကျလို့ပါပဲ။ သူက လမ်းလျှောက်တဲ့နေရာမှာ ဟန်ချက်ညီဖို့နဲ့ တွန်းကန်အားပေးဖို့အတွက် အလုပ်လုပ်ပေးတာပါ။ "လူတစ်ယောက် လမ်းလျှောက်ပြီဆိုရင် ခြေထောက်ဟာ ဘေးတိုက်အနေအထားကနေ အတွင်းဖက်ကို လည်သွားပါတယ်။ အဲ့ဒီလှုပ်ရှားမှုကြောင့် တွန်းကန်အားရပြီး ကျွန်တော်တို့ဟာ နောက်ခြေတစ်လှမ်း ဆက်လှမ်းနိုင်တာပါ။ အကြောင်းအမျိုးအမျိုးကြောင့် ခြေသန်းလေး ခိုက်မိသွားတယ်ဆိုရင် တွန်းကန်အားပိုင်းမှာ ကန့်သန့်ချက်လေးတွေ ဖြစ်သွားနိုင်ပြီး လမ်းလျှောက်တဲ့ပုံစံပါ ပြောင်းသွားနိုင်ပါတယ်။" လို့ Dr. Bruce Pinker က ပြောပြထားပါတယ်။

        ပြောရရင် ကျွန်တော်တို့ရဲ့ခြေထောက်ဟာ ၃ ချောင်းထောက် (Tripod) လိုပါပဲ။ ခြေဖနောင့်၊ ခြေသန်း၊ ခြေမ ဆိုတဲ့ ထောက် ၃ ထောက်နဲ့ မတ်တပ်ရပ်နိုင်တာပါ။ အဲ့ထဲက ခြေသန်းရယ်မှ မဟုတ်ပါဘူး၊ တစ်ခုခု ဒဏ်ရာအနာတရ ဖြစ်သွားပြီဆိုတာနဲ့ လမ်းလျှောက်တာ၊ ပြေးတာတို့မှာ တော်တော်လေးကို ကန့်သန့်ချက်တွေ ရှိသွားနိုင်ပါတယ်။ ရေကူးချန်ပီယံတွေအတွက်ကတော့ အဲ့ဒီခြေသန်းလေးက မင်းသားပါပဲ။ ဒိုင်ဗင်ထိုးတဲ့အချိန် ဒါမှမဟုတ် အရှေ့ရောက်အောင် အားယူဖို့အတွက် ရေကန်ဘောင်ကို ကန်ပြီးထွက်ရတဲ့အချိန်တွေဟာ ခြေသန်းလေးမရှိရင် အချိန်နှောင့်နှေးမှုတွေ ဖြစ်သွားနိုင်ပါတယ်။

        ဒါပေမယ့် ခြေသန်းလေး ခိုက်မိသွားတိုင်းလည်း အစိုးရိမ်မလွန်ကြပါနဲ့ခင်ဗျာ။ အပေါ်ယံ အရေပြား ပွန်းရုံပဲ့ရုံလောက်ကတော့ ဘာမှမဖြစ်ပါဘူး။ အချိန်တန်ရင် သူ့ဘာသာ အနာကျက်ပြီး ပြန်ကောင်းသွားမှာပါ။ ဆိုတော့ နီးစပ်ရာ ဆေးရုံ၊ ဆေးခန်းကိုသွားပြီး စစ်ဆေးပါ။ အတွင်းပိုင်း ကြွက်သား ဒါမှမဟုတ် အရိုးပိုင်း ထိခိုက်မှု ရှိတယ်ဆိုရင်လည်း အားမငယ်ပါနဲ့။ ဆရာဝန် ညွှန်ကြားမှုအတိုင်း လိုက်လုပ်လိုက်ပါ။ လမ်းကတော့ အေးဆေးပြန်လျှောက်နိုင်ပါတယ်ခင်ဗျာ။ ဒီလို အားမငယ်ပါနဲ့ ပြောရတာလည်း အကြောင်းရှိပါတယ်ခင်ဗျာ။ ခြေသန်းလေး ထိခိုက်သွားတဲ့ လူတော်တော်များများဟာ "ငါတော့ လမ်းလျှောက်လို့ ရတော့မှာမဟုတ်ဘူး" ဆိုပြီး စိတ်ဖိစီးမှုတွေ ရတတ်လို့ပါ။

        ဆိုတော့... ခြေသန်းလေး ပြတ်သွားရင် လမ်းမလျှောက်နိုင်တော့ဘူး ဆိုတာက မဟုတ်ပါဘူး။ ဖြစ်ဖြစ်ခြင်းမှာတော့ လမ်းလျှောက်လို့ မရနိုင်လောက်အောင် နာကျင်ကိုက်ခဲတာတွေ ရှိမယ်ပေါ့ခင်ဗျာ။ ဒါပေမယ့် အချိန်တစ်ခုကြာလို့ နေသားကျသွားရင်တော့ လမ်းလျှောက်ဟန် ပြောင်းသွားတာကလွဲလို့ အေးဆေး လမ်းပြန်လျှောက်နိုင်မှာပါခင်ဗျာ။

          ဒီအကြောင်း ရေးဖြစ်တာကတော့ ဘာရယ်မဟုတ်ပါဘူး။ ဟိုတစ်နေ့က John Cena ရဲ့ Peacemaker Series ကို ကြည့်ရင်း အတွေးရသွားလို့ပါခင်ဗျာ… 😅

မိတ်ဆွေတို့အားလုံး ဂရုစိုက်ကြပါခင်ဗျာ။