Eating Too Much Carrots Turn Your Skin Orange (Myth or Fact)

Click လုပ်ပေးတဲ့အတွက် ကျေးဇူးတင်ပါတယ်ခင်ဗျာ။

Clickers တို့ရေ... ၁၀ စက္ကန့်နေပြီးမှ ပြန်ထွက်ပေးပါနော။

အချိန် စ,မှတ်ပါပြီ။ 10

ပြန်ထွက်လို့ရပါပြီခင်ဗျာ။

မုန်လာဥနီ အစားများရင် အသားရောင်
လိမ္မော်ရောင် ဖြစ်သွားလိမ့်မယ်ဆိုတာ ယုံတမ်းလား၊ အတည်လား?

 

ဟုတ်၊ ဖြစ်ပါတယ်။ မုန်လာဥနီမှ မဟုတ်ပါဘူး။ ဘီတာကာရိုတင်းန် (Beta-Carotene) ဓါတ် ပါဝင်မှုများတဲ့ ဘယ်အရာကိုမဆို အစားများမိရင် အသားရောင် ဝါကျင်ကျင် ဖြစ်သွားတတ်ပါတယ်။ ဘီတာကာရိုတင်းဓါတ်က ဘာလဲဆိုတော့ ရောင်ခြယ်ဓါတ်ပါ။ တကယ်လို့ အဲ့လို အစားအစာတွေ စားမိရင် ကျွန်တော်တို့ အူသိမ်ထဲမှာပါတဲ့ ဆဲလ်တစ်မျိုးက အစောက ရောင်ခြယ်ဓါတ်ကို  ဗီတာမင်အေအဖြစ် ပြောင်းပေးပါတယ်။ ဒါပေမယ့် ဘီတာကာရိုတင်းဓါတ် ပါတာတွေ တအားစားမိသွားရင်တော့ ရောင်ခြယ်ဓါတ် ပမာဏ အကုန်လုံးကို ဗီတာမင်အေအဖြစ် ပြောင်းမပေးနိုင်တော့ပါဘူး။ အဲ့ဒီ ကျန်နေတဲ့ ရောင်ခြယ်ဓါတ်တွေဟာ သွေးထဲကို ပါသွားပါတယ်။ အဲ့လိုတွေ ကြိမ်ဖန်များစွာ ဖြစ်လာပြီဆိုရင်တော့ ကျွန်တော်တို့ အသားရောင်ဟာ လိမ္မော်ရောင်ဖြစ်ဖို့ လမ်းစပွင့်သွားပါပြီ။

အဲ့လို အသားရောင် လိမ္မော်ရောင် ဖြစ်သွားတာကို Carotenemia လို့ ခေါ်ပါတယ်။ Carotenemia လက္ခဏာ ပြလေ့ရှိတဲ့ နေရာတွေကတော့ လက်ဖဝါးတွေ၊ ခြေဖဝါးတွေပါ။ နောက်အသိသာဆုံး နေရာတစ်ခုကတော့ နှာခေါင်းပါ။ ဟုတ်ပါတယ်၊ နှာခေါင်းပါ ဝါလာတာပါ။ ဒီလိုအသားရောင် ပြောင်းတာက ကလေးတွေမှာ အဖြစ်များပါတယ်။ ဘာလို့လဲဆိုတော့ မုန်လာဥနီတို့ ကန်စွန်းဥတို့ တအားစားမိရင် သူတို့ခန္ဓာကိုယ် သေးသေးလေးနဲ့ကျ ဘီတာရိုတင်းန်ဓါတ်က ပိုကိုပိုသွားမှာပဲလေ။ အဲ့တာကြောင့် ကလေးတွေ အသားရောင် ဝါနေရင် အသားဝါရောဂါ ဖြစ်ပြီလားဆိုပြီး တအားကြီး စိတ်မပူကြပါနဲ့ဦး။ မျက်လုံးကို သေချာကြည့်လိုက်ပါ။ ဘီတာကာရိုတင်းန်ဓါတ်က မျက်လုံးရဲ့ အဖြူရောင် ဧရိယာကို ဝါအောင် မလုပ်နိုင်ပါဘူး။ အသည်းရောင်အသားဝါကမှ မျက်လုံးပါ အဝါရောင် ဖြစ်တာပါ။

ဒီလို အသားရောင် ပြောင်းသွားတာကို ကုလို့ရလားဆိုရင်တော့... ဟုတ်ကဲ့၊ အစားနဲ့ပဲ ပြန်ကုပေးရမှာပါ။ ဘီတာကာရိုတင်းန်ဓါတ် ပါဝင်မှုများတဲ့ အသီးအနှံတွေ လျှော့စားပြီး ကျန်တဲ့ အစားသောက်တွေနဲ့ပဲ တင်းတိမ်မှ အဆင်ပြေပါလိမ့်မယ်။ ဒါမှ ရောင်ခြယ်ဓါတ် သွေးတွင်းပါဝင်မှု တဖြည်းဖြည်းချင်း လျှော့သွားပြီး မူလအသားရောင်ကို ပြန်ရမှာ ဖြစ်ပါတယ်။

ကိုယ့်လူတို့ မှတ်ထားလို့ရအောင် ဘီတာကာရိုတင်းန် (Beta-Carotene) ဓါတ် ပါဝင်မှုများတဲ့ တချို့အသီးအနှံလေးတွေ ပြောပြပေးပါ့မယ်။ မုန်လာဥနီ၊ ခရမ်းချဉ်သီး၊ သခွားမွှေးသီး၊ ကန်စွန်းဥ၊ ပန်းဂေါ်ဖီစိမ်း (Broccoli)၊ ဆလတ်ရွက်၊ ဟင်းနုနွယ် တို့ပါ။ အကြမ်းဖျင်း ခွဲခြားဖို့ကတော့ အဝါရောင်၊ လိမ္မော်ရောင်နဲ့ အစိမ်းရောင် အရွက်ဖားဖားတွေ ရှိတဲ့ အသီးအနှံတွေလို့ မှတ်ထားလို့ ရပါတယ်ခင်ဗျာ။

မိတ်ဆွေတို့အားလုံး ဂရုစိုက်ကြပါခင်ဗျာ။