Click 05

Click လုပ်ပေးတဲ့အတွက် ကျေးဇူးတင်ပါတယ်ခင်ဗျာ။

Clickers တို့ရေ... ၁၀ စက္ကန့်နေပြီးမှ ပြန်ထွက်ပေးပါနော။

အချိန် စ,မှတ်ပါပြီ။ 10

ပြန်ထွက်လို့ရပါပြီခင်ဗျာ။

        ဆင်တွေဟာ မခုန်နိုင်တဲ့ သတ္တဝါမျိုးစိတ်တွေထဲမှာ ပါပါတယ်။ အလွယ် ပြောကြကြေးဆိုရင်တော့ ရှင်းပါတယ်။ သူတို့က ခုန်တတ်စရာမှ မလိုတာ။ တခြား တောတွင်းသတ္တဝါတွေဖြစ်တဲ့ သားပိုက်ကောင်တို့၊ မြောက်တို့၊ ဖားတို့ ဘာညာဘာညာပေါ့ဗျာ... သူတို့ကတော့ သမိုင်းပေးတာဝန်အရ ခုန်တတ်မှကို ဖြစ်မှာဗျ။ သမိုင်းပေးတာဝန်က ဘာလဲဆိုတော့ သူတို့ကို တောကောင်ကြီးတွေက အမဲလိုက်ရင် ထွက်ပြေးရတာကို ပြောတာ။ အဲ့အချိန်မှာ မခုန်ဘဲ နေကြည့်ပါ့လား၊ သူများရဲ့အစာ ဖြစ်သွားမှာပေါ့နော..။ ဆင်တွေကကျ သူတို့အရွယ်အစားနဲ့တင် တော်ရုံကောင် အနားမကပ်ရဲကြဘူးလေ။ လာကပ်လည်း တစ်ချက်လောက် "ဝူးးး" လိုက်တာနဲ့ ဘေးပတ်လည်ကို ဆိုင်ရာပိုင်ရာ ဆင်တွေ အုပ်လိုက်ကြီး ရောက်ချလာမှာပဲ။ ဆင်တွေက တစ်ကောင်တည်း ကျက်စားတာ ရှားတယ်လေဗျာ။ သူတို့က အုပ်စုလိုက်ပဲ နေကြတာ။ အဲ့ဒီတော့ သူတို့အနေနဲ့ ခုန်တတ်ဖို့ မလိုဘူးပေါ့။

        နောက်တစ်ချက် ပြောရရင်တော့ သူတို့ဝိတ်ကြီးတွေနဲ့ ဖတ်ခနဲ ထခုန်ဖို့ မလွယ်တာပါပဲ။ အရွယ်ရောက်ပြီး ဆင်တစ်ကောင်ဟာ ပျမ်းမျှအားဖြင့် ၄ တန်လောက်အထိ အလေးချိန် ရှိနိုင်ပါတယ်။ ဆင်တွေရဲ့ ပုံစံကို မျက်လုံးထဲ တစ်ချက် မြင်ကြည့်လိုက်ပါ။ အပေါ်မှာ ဂနာမငြိမ် ဟိုလိမ့်ဒီလိမ့်ဖြစ်နေတဲ့ ဧရာမ ဘောလုံးကြီးကို ဆလင်ဒါပုံ ထောက်တိုင်တွေနဲ့ ထိန်းပေးထားသလို ဖြစ်နေပါတယ်။ အဲ့တစ်အုပ်စုလုံး မြေကြီးကနေ ဖတ်ခနဲ မြောက်တတ်သွားဖို့က မလွယ်ပါဘူး။

Elephant Skelton

        နောက်တစ်ချက်အနေနဲ့ ဆင်တွေ လုံးဝခုန်လို့မရတဲ့အကြောင်းကို သိပ္ပံနည်းကျ တိတိပပ ရှင်းပြပေးပါမယ်။ ကျွန်တော်တို့တွေ မြင်နေကျက အပေါ်မှာ အသားစိုင်ကြီးတွေနဲ့ ကာနေလို့သာ မသိသာတာ။ အပေါ်က အရိုးဖွဲ့စည်းပုံကို တစ်ချက်ကြည့်ကြည့်လိုက်ပါ။ တကယ်တမ်းကျ ဆင်တွေဟာ ခြေဖျားထောက်ထားသလို ဖြစ်နေပါတယ်။ ပြီးတော့ ခြေထောက်အရိုးတွေ အကုန်လုံးက အောက်တည့်တည့်ကိုပဲ ဆင်းသွားတဲ့ ပုံစံမျိုးပါ။ ပြောရရင် အရိုးဖွဲ့စည်းပုံက အပေါ်က ဝိတ်ကိုတော့ ထမ်းပေးထားနိုင်တယ်။ ဒါပေမယ့် မြေကြီးကို တွန်းကန်ပြီး ထွက်လို့ရမယ့် ပုံစံမျိုးတော့ မဟုတ်ပါဘူး။ အဲ့ဒီတော့ အနှစ်ချုပ်ရရင် ဆင်တွေဟာ မခုန်နိုင်ကြပါဘူးခင်ဗျာ။

မိတ်ဆွေတို့အားလုံး ဂရုစိုက်ကြပါခင်ဗျာ။