Click 04

Click လုပ်ပေးတဲ့အတွက် ကျေးဇူးတင်ပါတယ်ခင်ဗျာ။

Clickers တို့ရေ... ၁၀ စက္ကန့်နေပြီးမှ ပြန်ထွက်ပေးပါနော။

အချိန် စ,မှတ်ပါပြီ။ 10

ပြန်ထွက်လို့ရပါပြီခင်ဗျာ။

        ကိုယ့်လူတို့ ဒီပုဂ္ဂိုလ်ကိုတော့ မျက်မှန်းတန်းမိကြမှာပါ။ ဟုတ်ပါတယ်... "ကျွန်တော်/ကျွန်မ/မီ့/ငါ့ မှာ အိပ်မက်တစ်ခုရှိတယ်" ဆိုတဲ့ Memes ရဲ့ Template ထဲက သူပါ။ သူ့နာမည်ကတော့ Martin Luther King Jr. ပါ။

        သူ့ရဲ့အိပ်မက်က ကောင်းလွန်းလှပါတယ်။ ကမ္ဘာကျော်ခဲ့ပါတယ်။ ၁၇ မိနစ်စာ ရှိတဲ့ "I Have a Dream" ဆိုတဲ့ မိန့်ခွန်းပါ။ အကျဉ်းချုံး ထုတ်နုတ်ပြရရင်တော့ -

• လူတိုင်း တန်းတူအခွင့်အရေး ရစေချင်တဲ့ အိပ်မက်၊
• တစ်ခေတ်တစ်ခါက ကျွန်အနေနဲ့ ဆက်ဆံခံခဲ့ရတဲ့သူတွေနဲ့ အရင်းရှင်လူတန်းစား ဖြစ်ခဲ့သူတွေ စားပွဲတစ်ဝိုင်းထဲမှာ ညီအစ်ကိုအရင်းတွေလို ထိုင်နိုင်ကြစေချင်တဲ့ အိပ်မက်၊
• မစ္စစပီပြည်နယ်လို တရားမမျှတမှုတွေ၊ ဖိနိပ်မှုတွေနဲ့ ပြည့်သိပ်နေတဲ့ ပြည်နယ်မျိုးတောင် လွတ်လပ်ပြီး တရားမျှတတဲ့ အိုအေစစ်ကြီးတစ်ခု ဖြစ်စေချင်တဲ့ အိပ်မက်၊
• လူတစ်ယောက်ကို အသားအရောင်အရ ခွဲခြားဆက်ဆံတာမျိုးတွေ မလုပ်ဘဲ ကိုယ်ကျင့်တရားနဲ့ပဲ ချိန်ဆပေါင်းသင်းကြတဲ့ နိုင်ငံမျိုးမှာ သူ့ရဲ့ လူမမယ် ကလေးလေး ၄ ယောက် ရှင်သန်စေ့ချင်တဲ့ အိပ်မက်၊
• အယ်လ့ဘားမားလို လူမျိုးရေး တအားခွဲခြားတဲ့ နေရာမျိုးမှာ တစ်နေ့ကျ လူမည်း ကလေးလေးတွေနဲ့ လူဖြူကလေးလေးတွေ ညီရင်းမောင်နှမလို လက်ချင်းတွဲ ဆော့ကစားနိုင်စေချင်တဲ့ အိပ်မက်

တွေပါပဲခင်ဗျာ။

        ၁၉၆၄ ခုနှစ်မှာ King ဟာ လူမျိုးကွဲ တန်းတူအခွင့်အရေး ကြိုးပမ်းမှုနဲ့ အကြမ်းမဖက် တော်လှန်ခြင်းအတွက် ငြိမ်းချမ်းရေး နိုဘယ်လ်ဆုကို ပိုင်ဆိုင်ခဲ့ပါတယ်။ သူဟာ ၁၉၂၉ ခုနှစ်ဖွား ဖြစ်ပြီး လောကကြီးရဲ့ ထုံးစံအတိုင်း သဘောကျခြင်း၊ မကျခြင်းတွေနဲ့ အခြားသောအကြောင်းအမျိုးမျိုးကြောင့် ၁၉၆၈ ခုနှစ်၊ ဧပရယ်လ ၄ ရက်နေ့မှာ လုပ်ကြံခံခဲ့ရတာ ဖြစ်ပါတယ်။

မိတ်ဆွေတို့အားလုံး ဂရုစိုက်ကြပါခင်ဗျာ။