Click 06

Click လုပ်ပေးတဲ့အတွက် ကျေးဇူးတင်ပါတယ်ခင်ဗျာ။

Clickers တို့ရေ... ၁၀ စက္ကန့်နေပြီးမှ ပြန်ထွက်ပေးပါနော။

အချိန် စ,မှတ်ပါပြီ။ 10

ပြန်ထွက်လို့ရပါပြီခင်ဗျာ။

        ကဲ... ခရစ်စမတ်ကလည်း နီးပြီဆိုတော့ ကြည့်စရာ ဇာတ်ကားကောင်းလေးတစ်ခု ညွှန်းပေးချင်ပါတယ်။ Director Sergio Pablos က ဇာတ်ညွှန်းရေး ရိုက်ကူးပြီး Netflix က ဖြန့်ချီထားတဲ့ "Klaus" ပါ။ ပြီးခဲ့တဲ့ နှစ်ပိုင်းတွေက ထွက်ခဲ့တာဖြစ်ပေမယ့် ကျွန်တော်ကတော့ သဘောကျမိတုန်းပါပဲ။ တခြား ခရစ်စမတ်ဇာတ်လမ်းတွေလို ခရစ်စမတ် စွန့်စားခန်းတွေအကြောင်း မဟုတ်ဘဲ ဒီကားလေးက ဆန်တာကလော့စ်ဆိုပြီး ဖြစ်လာတဲ့အကြောင်းကို ဇာတ်လမ်းဆင်ထားတာပါ။

        ပြောရရင် ဆရာချစ်ဦးညိုရဲ့ "လင်္ကာဒီပချစ်သူ" လို မတူတဲ့ ရှုထောင့်တစ်ခုကနေ ဆန်းသစ်ထားတာမျိုးပါ။ ချစ်ခြင်းမေတ္တာဟာ ပုံသဏ္ဍာန်မျိုးစုံနဲ့ ရှိနိုင်ပြီး အဲ့ဒီချစ်ခြင်းမေတ္တာဟာ တစ်ဦးနဲ့တစ်ဦးကြား ပျံ့နှံ့သွားတဲ့အခါ အတော်ကိုကြည်နူးရတဲ့ အကြောင်းအရာလေးတွေကို ဖြစ်တည်စေနိုင်တဲ့အကြောင်း ထည့်သွင်းရိုက်ပြသွားပါတယ်။

        Rating တွေက ဘယ်လောက်ရှိလို့တုန်းလို့ တွေးမိကြမယ့်သူတွေအတွက် IMDb 8.4၊ Rotten Tomatoes 94% ရှိပါတယ်ခင်ဗျာ။ ဟုတ်ပါတယ်၊ Animation Movie (Budget $40 Million) ပါ။ ကျွန်တော်ကတော့ လူသားတွေနဲ့ ရိုက်မယ်ဆိုရင် ဒီလောက်အထိ မကောင်းနိုင်ဘူးလို့ တွေးမိပါတယ် (ကျွန်တော့်အမြင် သပ်သပ်ပါ) ။

        ၂၀၁၉ က ထွက်ခဲ့တာဆိုတော့ တော်တော်များများ ကြည့်ပြီးကြမယ်လို့ ယူဆပါတယ်။ ဒါပေမယ့် မကြည့်ရသေးသူများ ရှိရင်လည်း စမ်းကြည့်ကြည့်ဖို့ ညွှန်းပါတယ်ခင်ဗျာ။ ကြည့်ပြီးသူများကလည်း ဒီပို့စ်မြင်ပြီး ခရစ်စမတ်မတိုင်ခင် ပြန်ကြည့်ချင် ကြည့်ဖို့ သတိလေး ရသွားတာပေါ့ခင်ဗျာ။ အောက်မှာ Trailer လေး ထည့်ပေးထားပါမယ်။

မိတ်ဆွေတို့အားလုံး ဂရုစိုက်ကြပါခင်ဗျာ။